Nú höfum við tekið í gagnið nýtt hús á Reykjanesi fyrir starfsmenn okkar. 

Ljósmyndir : Hörður Steingrímsson

Ljósmyndir : Óskar Olgeirsson 

Fyrri vélasamstæða Þeistareykjavirkjunar komin á sinn stað. Þrátt fyrir að ófærð og þungatakmarkanir á vegum hafi gert mönnum erfitt fyrir þá tókst að lokum að koma nægjanlega stórum verkfærum upp í virkjun til að takast á við þetta verkefni.Vel gekk að koma þessum 300 tonnum á stall.Nú er bara að byrja að tengja.

Ljósmyndir : Óskar Olgeirsson

Ljósmyndir : Guðmundur Smári Sighvatsson

Þann 26 ágúst síðastliðin héldum við upp á 70 ára afmæli Ragnars Jóhannssonar starfsmanns Stálsmiðjunnar-Framtaks ehf. Ragnar lét einnig af störfum þennan dag og kvöddum við hann með glæsilegri köku og gjöfum.

Ljósmyndir Óskar Olgeirsson

Þann 1. Apríl var skrifað undir samning milli Stálsmiðjunnar-Framtaks, Iðunnar og Verkstjórasambands Íslands um verkefnið “Fræðslustjóri að láni”. Verkefnið gerir fyrirtækinu kleift að setja fræðslu starfsmanna í markvissan farveg og þar með auka samkeppnishæfi fyrirtækisins, bæta gæði vöru og þjónustu, auka framlegð og ekki síst að auka starfsánægju starfsmanna. Sjóðirnir leggja til “Fræðslustjóra að láni”, fræðslu- og mannauðsráðgjafa sem greinir fræðsluþörf fyrirtækisins og semur fræðsluáætlun byggða á greiningunni. Stjórnandi verkefnisins er Ragnar Matthíasson, ráðgjafi hjá RM ráðgjöf. Þetta verkefni verður unnið í nánu samstarfi almennra starfsmanna og stjórnenda.

Ljósmynd Kristín María Jónsdóttir

Stálsmiðjan-Framtak ehf. tekur þátt í sýningunni Verk og vit

Stjórnendur Stálsmiðjunnar-Framtaks hafa tekið þá ákvörðun að vera með á stórsýningunni Verk og vit sem haldin verður í þriðja sinn dagana 3. – 6. mars 2016 í íþrótta- og sýningarhöllinni í Laugardal. Sýningin er tileinkuð byggingariðnaði, skipulagsmálum og mannvirkjagerð. Markmið sýningarinnar er að kynna vörur, þjónustu og tækninýjungar á þessu sviði en ekki síður að koma á viðskiptum fagaðila og auka vitund almennings um þessi mál.

Um 18.000 gestir sóttu sýninguna í Laugardalshöll þegar hún var síðast haldin árið 2008 þar sem um 100 fyrirtæki, stofnanir og sveitarfélög kynntu vörur sínar og þjónustu. Sýningin er fyrst og fremst fagsýning en almenningur er einnig boðinn velkominn um helgina.

Undirbúningur Trésmiðjunnar í fullum gangi

Eftir fundi og hugmyndavinnu var ákveðið að hafa 15m² sýningarbás sem deildir fyrirtækisins deildu með sér. Úr varð að trésmíðaverkstæðið smíðaði einingu eða einskonar forstofu að húsi þar sem sýnd væri útihurð og gluggi í gömlum stíl auk þess sem listar og gerefti væru til sýnis. En eins og kunnugt er hefur trésmiðaverkstæðið sérhæft sig í að hanna og smíða glugga af gömlu gerðinni en nálgast þó kröfur um einangrunargildi og aðrar nútíma kröfur eins og kostur er.

CE merkingar glugga

Nú standa yfir tækniprófanir á tveim gerðum glugga frá trésmíðaverkstæðinu. Nýsköpunarmiðstöð Íslands gefur út vottorð sem veitir leyfi til CE merkinga glugganna. Annars vegar er gluggagerð sem ætluð er í gömul og friðuð hús og er samþykktur sem slíkur. Hinsvegar nútíma gluggi sem á að uppfylla staðla Evrópusambandsins og íslensku byggingareglugerðarinnar. Hönnun glugganna og eftirfylgni hefur verið í höndum verkstjóra trésmíðaverkstæðisins en tækniútreikninga hafa verkfræðistofurnar TÓV og Verkís séð um. Vonast er til að þessu ferli verði lokið í febrúarmánuði.

Hvalur 8 og 9

Talsverð vinna hefur verið í tréverki að undanförnu í hvalveiðiskipum Hvals hf. Í Hval 8 hefur verið unnið að árlegum viðgerðum og viðhaldi. Í Hval 9 eiga starfsmenn trésmiðjunnar talsvert verk fyrir höndum. Fimm klefar hafa verið teknir niður þar sem að viðgerðir á skrokk skipsins og þilförum gátu ekki farið fram nema öll brennanleg efni væru fjarlægð. Þessu á öllu eftir að koma fyrir aftur auk þess sem viðgerðir á innréttingum og húsgögnum fara fram. Í hvalaskipunum er reynt eftir megni að halda upprunalegu svipmóti og breyta sem minnstu þó þægindi áhafna séu þó höfð í fyrirrúmi.

Ljósmyndir Guðmundur S. Sighvatsson

Nýlega hófst uppsetning á brúkrana hjá Norðuráli í samstarfi við NKMNOELL. Þetta er þjónustukrani fyrir ker.

Verkefnið felst í því að koma fyrir hjólabúkkum sem eru ca. 11 tonn hvert stykki. Langbitarnir eru tveir og er annar þeirra 12 tonn en hinn er stærri og er tæp 40 tonn. Við þetta bætist síðan tækja-unit sem er um 35 tonn með ýmsum gripörmum og öðrum búnaði. Stálsmiðjan-Framtak hefur áður sett upp nokkra krana fyrir sama viðskiptavin.

Ljósmyndir Jón Hansson og Óskar Olgeirsson

Stálsmiðjan-Framtak ehf. hefur fest kaup á titringsmæli frá SKF. Í framhaldi af því kom starfsmaður frá SKF og hélt námskeið í Vesturhrauninu fyrir 10 starfsmenn fyrirtækisins, þar sem hann kenndi notkun tækisins. Stálsmiðjan-Framtak ehf. mun í náinni framtíð bjóða uppá jafnvægisstillingu og titringsmælingu með nýja mælinum frá SKF.

SKF Microlog CMXA 75

Titringsmælirinn er til að mæla titring í legum hreyfla. Hann er notaður í fyrirbyggjandi viðhaldi til þess að safna upplýsingum um hita og titring í legum hreyfils og er viðhaldi síðan stjórnað út frá þeim upplýsingum. Innbyggt í SKF Microlog CMXA 75 eru öll tíðnisvið SKF lega.

Ljósmyndir Jón Hansson

Þann 18.desember síðastliðinn komu starfsmenn Stálsmiðjunnar-Framtaks á Vesturhrauni saman og héldu litlu jól. Fengum við mjög góðan hátíðarmat frá Matborðinu og að því loknu gómsæta súkkulaðiköku í boði Vodafone. Þegar allir voru saddir og sáttir voru starfsmenn leystir út með jólagjöfum.

Ljósmyndir Jón Hansson

Fyrir tveim árum hóf Kristján Hermannsson fyrrum starfsmaður Framtak-Blossa viðræður við sölu og markaðsdeild THORDON BEARINGS Inc. um að gerast umboðsaðilar fyrir vörurnar þeirra, samhliða þessu fórum við að nota efni frá þeim í kefli og stýri í skipum. Gengið var frá umboðssamningi 2014 og fór Erlingur Kristinsson í framhaldi af því á sölu og markaðsnámskeið hjá TH í Canada. Framtak-Blossi heldur utan um sölu og markaðsmálin en við í Stálsmiðjunni/Framtak vinnum efnin og vegna þess fór Ægir Björgvinsson verkstjóri á námskeið nú í vor til að kynna sér efnin og meðhöndlun á þeim. Það sem gerir vörurnar frá TH svona sérstakar er að þær eru framleiddar til að mæta sívaxandi kröfum um að losa okkur við spilliefni úr náttúrunni þ.e.a.s. þau eru umhverfisvæn. THORDON GROUP er stofnað 1911 og hefur frá fyrstu tíð verið að þróa og framleiða umhverfisvæn efni til að nota í fóðringar, svo sem stefnisrör og stýri í skipum, fóðringar í vatnstúrbínur ásamt allskonar keflum, kranabómum og vinnuvélum svo eitthvað sé nefnt, nýjasta afurðin er fóðringarefni sem notað er í matvælaiðnaði og er samþykkt af flestum matvælastofnunum í heiminum. Það sem gerir efnin sérstaklega áhugaverð er að þau keyra á smurningi með vatni og ákveðnar gerðir þurfa enga smurningu, en þessi efni eru jafnvíg og í sumum tilfellum betri en bronsfóðringar, nylon og annað plast. Skoðið heimasíðu TH en hún er http://ThordonBearings.com/

MS. Laxfoss var tekin upp í Reykjavíkurslipp þar sem skipið varð fyrir töluverðu tjóni við bryggju á Grundartanga í óveðrinu laugardaginn 14. mars, þarf að skipta út rekkverki og þó nokkuð af byrðingi skipsins. Laxfoss er smíðaður í Scheepsw.NL 1995 og er því 20. ára gamalt, lengdin er 82 metrar og 11 metrar á breidd og vegur 1682 tonn. (Myndir teknar á NOKIA LUMIA farsíma)

Viðgerð stendur yfir á tannhjóli úr togspili á togaranum Jóni Vídalín frá vinnslustöðinni í Vestmannaeyjum. Miðjan í tannhjólinu sprakk úr eftir áratuga notkun og er verið að smíða nýja miðju í hjólið og rafsjóða miðjuna í og afglóða síðan þann hluta sem soðinn var til að losa stálið við spennu. Afglóðunin fer þannig fram að hitamottur eru festar á stálið og einnig eru soðnar á stálið hitaþreifarar sem iðntölvur keyra hitastigið eftir á rafmagnsmotturnar. Mottur þessar eru í raun rafmagnselement sem er einangrað í keramic einangrara og það getur hitað upp í 1200°C, en við hitum þetta um 35°C/klst upp í 600°C og höldum því hitastigi í fjórar klukkustundir og þá hefst kólnunarferill um 25°C/klst niður í 20°C.

Stálsmiðjan-Framtak var að bæta við verkfæraflóruna hjá sér nýju verkfæri sem er hannað til þess að línubora eða fræsa t.d. vélablokkir stefnissrör eða eitthvað sem þarf að renna að innan. Fræsarnir sem eru til eru heimasmíðaðir, en hafa gert sitt gagn.

Þetta verkfæri er gert til þess að flytja með sér út á land eða þangað sem þörf er á. Í þessu tilfelli sem myndirnar lýsa er verið að línubora semsetningar augu á (bómu) byggingarkrana sem voru orðin slitin.

Ljósmyndir Árni Pálsson

Trésmiðja Stálsmiðjunnar-Framtaks hefur verið að smíða innréttingar fyrir nýtt skip Eimskipafélagsins Lagarfoss.

Innréttinasmíði er þokkalega stór partur af starfsemi Trésmiðjunnar ásamt almennri trésmíði, einning sérsmíði fyrir húsafriðunarnefnd þegar unnið er að uppgerð gamalla húsa og sem eru í endursmíði er falla undir 75 ára regluna, þá er gerð krafa um smíði á gluggum og hurðum samkvæmt gömlum aðferðum og valið er rétt efni og viðhaft rétt handbragð.

Ljósmyndir Hjörtur Helgasson

Hér má sjá fleirri ljósmyndir af hífingu Aðalvélar upp úr Otto N. Þorlákssyni frá öðru sjónarhorni. Ens og sjá má er hífingin frekar þröng og veðrið búið að vera vont og varð að fresta hífingu sökum þess, þar af leiðandi var ekki alveg stilla í höfninni og skipið aðeins á hreyfingu.

Ljósmyndir Björn Ólafsson

Togarinn Otto N. Þorláksson í eigu Granda er með bilaða aðalvél sem þarf að taka upp, ákveðið var að hífa vélina upp úr skipinu í stað þess að basla við þetta í þröngu vélarrúmi um borð. Þurfti að brenna passandi gat á millidekkið og efra dekkið, og hífa vélina upp úr skipinu og setja á vélavagn og flytja að Vesturhrauni 1. til upptektar, þá fyrst verður tekin ákvörðun um framhaldið. ET flutti vélina og DS-Lausnir sá um hífingu.

Ljósmyndir Gústav Eiríksson

Það gerist öðru hvoru að beiðni kemur um þjónustuaðstoð frá innlendum skipum sem eru stödd í erlendum höfnum. Ein slík þjónustuaðstoð kom á dögunum frá Íslenskum togara sem var staddur á Grænlandsmiðum og sigldi til hafnar í Nuuk á Vesturströnd Grænlands með bilaðan Gír við aðalvél sem þurfti viðgerð, það var sendur maður til Grænlands til þess að sinna þessari viðgerð í nokkra daga.

Ljósmyndir Gústav Eiríksson

Í siðustu viku var hreinsivirki Tio Tinto Alcan tengt við lagnakerfi álversins og eldra kerfi aftengt, síðan voru nýju blásararnir settir í gang. Nýju blásararnir eru fjórir talsins og nota 1. megawatt af rafmagni hvor um sig. Þrengsli eru gríðarleg fyrir krana og mannkörfur og ekkert pláss fyrir mistök af neinu tagi og því var allt verkferlið þaulskipulagt og hver og einn maður hafði sitt hlutverk. Nú tekur við frágangur af ýmsu tagi ásamt niðurrifi á gamla búnaðinum.

Stálsmiðjan-Framtak hefur yfir að ráða búnaði til að afglóða eða hitameðhöndla stál eftir vinnslu t.d. rafsuðu til þess að eyða spennu sem myndast í efninu eftir suðuferla þegar efnið kólnar. Í þessu tiltekna máli var verið að smíða stýris öxul á skip, flansinn sem boltast á stýrið var tekin af gamla öxlinum (sem varð fyrir tjóni) og soðinn aftur á nýja öxulinn og tekinn í hitameðferð eftir suðu. Flansinn var hitaður upp um 35°C á klukkustund upp í 600°C, hitanum haldið þar í fjóra tíma og þá hefst kólnunarferli sem er 25°C á klukkustund, Þetta hitaferli tekur um 45. klukkustundir. Notuð voru 7 hita element, hvort um sig 1350w, hitageta 9,4kw á fullu afli.

Síðasta stóra kranahífingin fór fram í dag á athafnasvæði Rio Tinto Alcan í Straumsvík við niðursetningu á stórum panelum inn í útblásturs reykháf til að stýra lofti frá fjórum stórum blásurum, eins skonar leiðiblöð. Einnig var hljóðgildru komið fyrir ofan í útbásturs reykháf, þetta er gert til að fyrirbyggja hljóðmengun frá álverinu í íbúabyggð.Við verkið var notaður 300 tonna krani til að ná upp í þessa hæð og fjarlægð, svo var notaður 200 tonna krani til að lyfta mannkörfu til að ná upp í reykháfinn.

Krækja á myndband

Mikið var að gera hjá starfsmönnum Stálsmiðjunar-Framtaks um síðustu helgi við próftökur og yfirsetur. Níu nemar sem verið hafa á námssamningi þreyttu próf í iðngreininni. Auk þess voru 6 eldri starfsmenn fyrirtækisins fengnir til yfirsetu.

Segja má að síðustu tvær vikur hafi verið annasamar við æfingar og upprifjun.

Ljósmynd Jósep Hallur Haraldsson

Slökkvilið Höfuðborgarsvæðisins var með námskeið í brunavörnum og skyndihjálp fyrir starfsmenn, er það liður í síþjálfun starfsmanna. Þessi tvö námskeið sem haldin voru í dag er fyrsta af þremur í röð til að ná til allra starfsmanna.

Ljósmyndir Frímann Grímsson

Nýjum ræðustól hefur verið komið fyrir í þingsal okkar íslendinga sem er sennilega ekki í frásögur færandi nema fyrir þær sakir að aðgengi fatlaða hefur verið bætt á alþingi og hitt að stóllin var smíðaður á Trésmíðaverkstæði Stálsmiðjunnar-Framtaks, ég læt hér fylgja krækjur á fréttir frá hinum ýmsum vefmiðlum sem fjalla um þennan atburð. Ljósmyndin er tekin af skrifstofu Alþingis.

Vefur Alþingis

Vefur Viðskiptablaðsins

Vefur Morgunblaðsins

Myndband af vef Alþingis

Í ljósi undangengis gosóra á hálendi Íslands var viðbúnaðarstigi skrifstofunnar breytt úr grænu í bleikt. Það mun ekki hafa víðtæk áhrif á starfsemi skrifstofunnar en þær eru tilbúnar í flest erfið verkefni.

Nú er lokið fyrra viðhaldsstoppi Reykjanesvirkjunar sem er árlegur viðburður. Tekinn er niður annar hluti virkjunarinnar og er þá tækifærið notað til að lagfæra lagnir og loka og annan búnað sem eru slitnir eða tærðir.

Búnaður virkjunarinnar verður oft fyrir mikilli áraun í erfiðu jarðhitaumhverfi á Reykjanesinu. T.d. þurfti að skipta um hné með miklum tæringarsprungum í rörlögn, rörlögninni var breytt í leiðinni til að minnka spennur í lögninni.

Á myndum má sjá keilu úr svokölluðum “Ellaloka” Lokinn er notaður á holutopp borhola til að stýra gufuflæði holunnar inn á safnæðakerfið. Það má sjá hvernig gufan nær að skera skarð í keiluna þó að rafsoðin sé harðsuða á keiluna utanverða.

Ljósmyndir Hörður Steingrímsson

Unnið hefur verið um borð í Hákoni í sumar í ýmsum verkefnum, það helsta er endurklæðning í vinnsludekki skipsins þar sem skipt um burðargrind klæðningar og endurnýjum á festingum grindar þar sem festingar voru farnar að ryðga mikið og smituðu ryðtaumarnir út úr klæðningunni og í verstu tilfellunum héldu menn að lagnir voru farnar að leka eða jafnvel dekkið, þá voru það festingar trégrindar sem smituðu svona. Einnig hefur verið unnið að upptekt á vélum skipsins, ásamt öðrum vélbúnaði, einnig er verið að smíða nýtt dekkhús sem hýsir nýja krapavél skipsins.

Ljósmyndir Guðmundur Sighvatsson

Verkefnastaðan í Slippnum í Reykjavík hefur verið mjög góð á þessu ári, nýverið var Ottó N. Þorláksson RE-203 í aðalvélarupptekt ásamt öxuldrætti og stýrisviðgerð og svo heilmálun. Í dag er uppi í slipp Tjaldur SH-270 og Sóley Sigurjónsdóttir GK-200, einnig eru starfsmenn fyrirtækisins Stálsmiðjan Framtak að vinna í skipum sem eru bundin við bryggju t.d. Tómas Þorvaldsson GK10, Sturla GK-12, Örvar SH-777, Kristrún RE-177, Jóhanna Gísladóttir ÍS-7, Baldvin Njálsson GK-400, og Ottó N. Þorláksson RE-203.

Ljósmyndir Hilmar Kristinsson

Mikið hefur verið að gera á Trésmíðaverkstæði Stálsmiðjunnar Framtaks um þessar mundir og eru sum verkefnin óvenjuleg. Hefur fyrirtækið þurft að fjölga mannskap og eru þeir orðnir fjórtán talsins sem vinna á trésmíðaverkstæðinu um þessar mundir. Sem dæmi um verkefni: Alþingi íslendinga hefur orðið að aðlaga sig að nútímanum, og lögum sem sett eru í því góða húsi. Nú er svo komið að líkamlega fatlaðir einstaklingar eru kosnir fulltrúar á Alþingi og þurfti að breyta ræðupúlti Alþingis til að mæta þessum kröfum og hafa ræðupúltið stillanlegt bæði á hæð og aðgengi.

Þegar íslensk skip eru “Flögguð” til erlends ríkis t.d. Danmörk þarf að aðlaga innviði skipa að annari reglugerð heldur en þeirri sem íslensk skip fara eftir, Guðmundur VE29 var breytt/selt til Grænlands til að stunda Makríl veiðar og heitir nú Tasiilaq, og þá þurfti meðal annars að huga að lyfjarými og aðstöðu og var smíðaður þessi forláta skápur.

Einnig þarf að huga að fatarými háseta og þess vegna varu þessar skúffur smíðaðar undir kojur háseta.

Ljósmyndir Guðmundur Sighvatsson

Stálsmiðjan Framtak var fengin í viðgerð á viftum í kæliturni fyrir 32 Mw gufutúrbínu í Svartsengi fyrir HS-Orku. Viftuspaðarnir eru af stærri gerðinni og voru þeir hífðir ofan af gírnum til geymslu á jörðu niðri og voru svo gírarnir aftengdir frá mótor og hífðir niður á vörubíl til viðgerðar á verkstæði HS Orku.

Ljósmyndir Frímann Grímsson

Nú er svo komið að uppsetning á Hreinsivirki fyrir RioTintio Alcan er komið á lokastig er varðar uppsetningu á búnaði. Magntölur í stálvirki er 2,900 tonn og var uppsetningu lokið 23. mars og fór þá fram vélbúnaðar úttekt, hafist var handa við aukaverk og breytingar. Þann 28. maí hófust formlegar prófanir á rafkerfi og vélbúnaði og ísetning á filterum í hreinsikerfið.

Ljósmyndir Frímann Grímsson

Stálsmiðjan Framtak hefur unnið að því að smíða hús í samanboltuðum einingum til að setja yfir borholur í námunda við orkuverið á Reykjanesi, grindin er smíðuð úr svörtu stáli sem er svo tekin í sundur og heitgalvanseruð. þetta hús á að nota yfir borholu 29 sem verður notuð sem niðurdælingarhola fyrir svæðið.

Mælingargufuskiljan er nú staðsett á borholu 32 og er í tilraunablæstri, holan er 1200m djúp, hún er grynnri en áætlað var og er því aflminni.

Ljósmyndir Hörður Steingrímsson

Deild fyrirtækisins sem vinnur fyrir HS Orku í Reykjanesvirkjun vinnur stundum að Nýsköpun, sem felst í því að hita upp kallt vatn með umframgufu sem fellur til við rafmagnsframleiðslu í Reykjanesvirkjun, en orkuverið hefur getu til að framleiða 100Mw af rafmagni. Það er kannski ekki nýsköpun að hita upp vatn hjá HS Orku því það hefur verið gert í Svartsengi frá því 1976 og er orkuverið varmaskiptastöð þar sem vatn er hitað upp með jarðgufu og hefur nýst suðurnesjamönnum bráðum í fjörutíu ár ásaamt rafmagnsframleiðslu.

En í Orkuveri 1. sem var fyrsta orkuverið sem var byggt í Svartsengi, var tekin niður forhitari úr einni af fjórum rásum orkuversins og hann fluttur út á Reykjanes og settur þar niður og tengdur við hljóðdeyfir þar sem umframgufa er nýtt, því hefur tilraunahitun hafist á heitu vatni í Reykjanesvirkjun enda fellur mikið til af orku sem mætti nýta betur.

Ljósmyndir Hörður Steingrímsson

Trésmiðja Stálsmiðjunnar-Framtaks er deild innan fyrirtækisins sem hefur ekki fengið mikla athygli í gegn um tíðina en hefur alltaf verið til staðar og starfsmenn þar hafa alltaf unnið sína vinnu hljóðlaust, það starfa sjö manns innan veggja trésmiðjunnar í viðhaldsverkum og alskonar nýsmíði, og viðhaldsvinnu um borð í fiskiskipaflota landsmanna. Einnig er framleiðsla á hlutum á þessu verkstæði sem er ekki smíðað á venjulegum trésmíðaverkstæðum, þar má nefna glugga og hurðir í gömul hús sem er verið að endurbyggja undir ströngu eftirliti Húsafriðunarnefndar og gömlu fánastengurnar úr timbri og galvanseruðu járni, einnig eru framleiddir gólf, skraut og kverk listar með gamla útlitið, ís kylfur til að berja ísingu af skipum út á sjó. Einnig hefur verkstæðið verið með viðhald í Alþingishúsinu, smíðað þar ræðupúlt og innréttingar sem þurfa að vera með ákveðin stíl og ekki má gleyma atkvæðatöflunni. Ennig eru smíðaðir hefðbundnir gluggar og hurðir ásamt ýmisskonar viðhalsdvinnu.

Trésmíðaverkstæðið er flutt í annað húsnæði frá Fiskislóð upp á Dverghöfða 27 sem er rúmgott og bjart húsnæði og er við hliðina á Framtak Blossa dísilverkstæðinu.

Trésmíðaverkstæði Stálsmiðjunnar varð til við endurskipulagningu fyrirtækjanna Stálsmiðjunnar h/f og Slippfélagsins í Reykjavík h/f . Trésmiðaverkstæðið hefur verið starfrækt óslitið frá árinu 1902. Framan af var fyrst og fremst unnið að skipaviðgerðum á tréskipum en eftir seinni heimstyrjöld var rekið fullkomið trésmíðaverkstæði í við Mýrargötuna sem framleiddi m.a. glugga,hurðir og ýmiskonar lista.

Nú sinnir trésmíðadeildin alhliða smíðaverkefnum og sérsmíði auk þess sem áhersla hefur verið lögð á að framleiða áfram gömlu gereftin og listana. Gluggar og hurðir í gömlu húsin eru okkar sérfag enda höfum við aðlagað gömlu gluggana auknum kröfum um hljóð og varmaeinangrun.

Einnig sinnum við viðgerðum og endurbótum á timburhúsum auk þess sem við sinnum allri innréttingasmíði í skip á vegum Stálsmiðjunnar Framtaks ehf.

Trésmiðaverkstæðið hefur unnið náið með húsafriðunarnefnd þegar unnið er að uppgerð gamalla húsa og eru í endursmíði er falla undir 75 ára regluna, þá er gerð krafa um smíði á gluggum og hurðum samkvæmt gömlum aðferðum og valið er rétt efni og viðhaft rétt handbragð. Húsafriðunarnefnd hefur einnig mælst til þess að skipta út fánastöngum úr plasti eða áli og eru fánastengur úr tímbri smíðaðar á gamla mátan til á lager. Einnig hefur Trésmiðaverkstæðið lagt áherslu á að smíða trélista eins og menn notuðu hér áður fyrr í gömlum timburhúsum og ef einhverjum vantar lista sem er ekki til, þá getum við sérsmíðað þá og geymum fræsitönnina sem smíðuð er til verksins.

Trésmíðaverkstæðið er með aðsetur að Dverghöfða 27.

Ljósmyndir Frímann Grímsson

Stálsmiðjan Framtak hefur verið með mannskap við uppsetningu á Hreinsivirki fyrir Rio Tinto Alcan í Álverinu í Straumsvík í rúmt ár og miðar verkinu vel áfram og stenst verkáætlun. Við erum undirverktakar hjá Ístak og setjum upp aðra af tveimur hreinsivirkjum sem eru í uppsetningu. Búnaðurinn kemur allur forsmíðaður frá Kína og er sandblásinn og málaður hjá ÍSTAK.

Til að mæta kröfum viskiptavina hefur Wencon þróað og hafið sölu á tveimur viðgerðarsettum í viðbót við þau sett sem eru þegar til í vörulínu þeirra. Þessi sett eru ætluð til þess að hafa við hendina þegar skip fara í slipp, settin eru ætluð til viðgerða á skrúfubúnaði og síðan til viðgerða á kælikerfum og dælum.

Viðgerðir með Wencon efnum hafa gefið góða raun og geta aukið endingu og stytt tíma viðgerða og þar með aukið hagkvæmni.

Upplýsingar hjá Blossa Jón A. Jónsson

Enn fjölgar MKG bryggjukrönum

Þær eru orðnar fáar hafnirnar allt í kringum landið þar sem MKG bryggjukranar eru ekki nú þegar í notkun

Nýlega voru settir niður tveir nýjir MKG bryggjukranar, annar í vesturhöfninni í Reykjavík og hinn á Neskaupstað.

Nú er verið að framleiða krana fyrir Húsavíkurhöfn, sem verður tekinn í notkun síðar á árinu.

Sífellt fleiri óska eftir að kranarnir séu útbúnir með þráðlausum fjarstýringum, sem auðveldar alla vinnu við löndun, sérstaklega úr stærri bátum.

Hafið samband við Framtak-Blossa og fáið nánari upplýsingar og tilboð.

Stálsmiðjan-Framtak var að taka í gagnið nýjan búnað til afglóðunar á stáli með 60 volta rafmagnelementum sem eru vafin utan um t.d. stálrör, það er vafin einangrun utan um rörið og síðan er spennir settur í gang sem er stilltur og keyrður með stjórnstöð. Sex útgangar eru á búnaðinum og hægt er að tengja þrjú element við hvern útgang. Í þessu tilviki er flansinn hvor um sig eitt tonn á þýngd, rúmur metri á breidd, og 150mm þykkur. Hitun er 35°/klst og er hitinn keyrður upp í 650°C í átta tíma.

Stálsmiðjan Framtak hefur unnið fyrir Voith í Búðarhálsvirkjun undanfarin tvö ár við stálvirkjasmíði og svo undanfarna mánuði við niðursetningu á vélbúnaði virkjunarinnar fyrir VG Power og Voith. Þess má geta að rafallinn (stator, sátur) er undinn, lakkaður og settur saman á staðnum og rótorinn einnig. Túrbínan er að sjálfsögðu sett saman á staðnum í stórum hlutum, verkið er á áætlun og miðar ágætlega áfram.

Olíuviðhald er eins og við höfum itrekað bent á mikilvægur hluti í rekstrarumhverfi nútímans eigi að ná fram aukinni hagkvæmni sem er byggð á betri endingu vélahluta. Framtak selur búnað til olíuviðhalds sem samstarfsaðili CJC í Danmörku. Til þess að ná árangri í starfi er að hafa aðgang að rannsóknum sem eru byggðar á hreinsun á olíu og niðurstöðum þeirra. Hér birtir CJC niðurstöður úr mörgum rannsóknum úr ýmsum áttum iðnaðar í veröldinni, að vísu á ensku, en við vonum að það komi ekki að sök.

Framtak Blossi afhendir í dag CJC síuskilju af gerðinni PTU3 27/108 MZ-E2PW (16-4,BLAT) eins og sést hér á myndinni

Síuskiljan er ætluð til hreinsunar á smurolíu á hverfli í orkuveri.

Eins og aðrar síuskiljur frá CJC fjarlægir hún vatn úr olíunni um leið og hún hreinsar burt óhreinindi allt að 0,8µ

Þetta er 16. sían af þessari útfærslu sem fer í notkun hér og bætist í hóp rúmlega 300 síukerfa frá CJC af ýmsum útfærslum sem hreinsa í dag olíur af ýmsum tegundum vökva, eldsneytis og smurolíukerfa á Íslandi í dag.

Erum farnir að selja þvegnar grisjur í verslununni sem henta á verkstæðið eða einfaldlega í bílskúrinn. Upplýsingar hjá Blossa

Stálsmiðjan Framtak hefur unnið að stækkun hreinsivirkis fyrir Ísal í Straumsvík (Rio Tinto Alcan) undanfarið ár og hefur fylgt því umtalsverður þungaflutningur á blásurum og loftstokkum ásamt blaðlokum að og frá vélsmiðjunni eftir samsetningu, þá er ekki alltaf auðvelt að koma frá sér búnaði sökum þess að hæð á farmi má einungis vera 4,2 metrar og er það stundum vandkvæðum bundið að komast út úr þéttbýlinu sökum brúarmannvirkja innanbæjar.

Stálsmiðjan Framtak hefur verið með nokkura menn í vinnu fyrir “Voith” uppi við Búðarhálsvirkjun við undirbúning á lögnum að túrbínunni og öðrum lögnum er falla að vélbúnaðinum, á föstudaginn var fyrsti hlutinn hífður niður á undirstöðu sína til mælingar, hér má lesa tæknirit um túrbínuna sem er af Kaplan gerð frá Voith.

$btn(Kaplan):http://voith.com/en/Voith_Kaplan_turbines.pdf

Framtak hefur unnið að því að stækka Metan stöðina í Álsnesi sem er í eigu Sorpu. Verkið fólst í því að færa tvo gasþurrkara á milli rýma til að gera pláss fyrir stóra stimpilpressu sem vóg 4 tonn, ekki var mögulegt að drepa á stöðinni nema í skamman tíma í einu á meðan á framkvæmdum stóð, heldur varð að undirbúa alla vinnu mjög vel og gleyma engu, leggja nýjar lagnir að nýjum staðsetningum allra tækja, færa síðan búnaðinn og rífa niður eldri lagnir, og að síðustu koma nýju pressunni fyrir og tengja hana við lagnir sem búið var að leggja.

Framtak-Blossi getur útvegað þéttingar á góðu verði í flestar tegundir plötu varmaskipta, áhugasamir sendið fyrirspurn til jon@framtak.is

Framtak afhenti Naust Marine vírastýri fyrir flottrollsvindu rétt fyrir jól, stýrið er rafmagnsdrifið að hluta en með lítið vökvakerfi innbyggt til að lyfta eða fella tvö lítil kefli sem togvírinn rúllar á. Þetta er fjórða stýrið sem Framtak smíðar fyrir Naust Marin og er ætlað sem viðbót á Ibercisa togvindur. Naust Marine hannar og setur upp vindustjórnbúnað svokallaðan ATW CatchControl (Autamatic Trawl Winch) um borð í nýjan togara sem er verið að smíða í japan í staðin fyrir togara sem eyðilagðist í flóðunum í japan í febrúar í fyrra, einn af eigendum skipsins Mr. Yoshikawa Mura kom til íslands og skoðaði vindubúnað í íslenskum skipum. Fréttina má sjá í heild á vefsíðu Naust Marine.

Nýjung frá CJC

CJC eins og önnur fyritæki sem að leggja áherslu á að standa í farabroddi á sínu sviði hefur sett á markað uppfært skilju element fyrir PTU3 síuskiljurnar. Síuskiljur frá CJC munu héðan í frá koma með þessari útfærslu af elementum. Þetta elament var uprunalega framleitt til þess að geta aukið flæðið í gegnum búnaðinn og þar með vatnsskiljunargetu hans þegar verið er að hreinsa smurolíu á túrbínum. Sem stendur er þessi uppfærsla einungis fyrir PTU3 kerfin en á að verða fáanleg fyrir önnur PTU kerfi innan skamms. Nánari upplýsingar hjá á vef CJC Leiðbeiningar um síuskipti CJC Síu

Sækja upplýsingar um nýja filterinn $btn(PDF):http://cjc.dk/fileadmin/user_upload/pdf/CJC_Filter_Inserts_PS/Separator-Element-PTU3_PSFI3028UK.pdf)

Okkur langar til að minna viðskiptavini okkar á efnavöru sem Framtak-Blossi selur.

Sjá efnavöru nánar hér

Metalock UK Logo Newsletter Metalock Engineering UK September 2012 Newsletter Emergency response keeps the automotive industry moving Emergency response keeps the automotive industry moving

Metalock UK received a call from one of our customers in a critical breakdown situation and responded in true Metalock UK style, our engineers travelled straight to site to assess the situation and reported back to our Repair Manager. The problem was that 2 cast link arms were damaged and of no further use. Stopping production and costing money.

To obtain replacement parts was a minimum of 5 weeks. Metalock transported the components to our workshop facility in Coventry, where our skilled design team and workshop technicians designed and fabricated and machined 2 complete new link arms from scratch. They worked none stop around…. SJÁ FRÉTTABRÉF Í HEILD

Það hefur komið fram áður að Framtak Blossi hefur umboð fyrir Wencon viðgerðarefnin sem er fjölbreytt flóra viðgerðar og húðunar efna, hér má sjá dæluhjól sem húðað hefur verið með Wencon coating til að reyna að auka líftima dælunnar, en hún vinnur við mjög erfiðar aðstæður og dælir mjög ætandi vökva.

Útsogsgöng frá ásþétti Vél 1 Nesjavöllum að tærast upp og stíflast, gert var við tæringuna með Wencon efnum, nánari lýsingu á viðgerðinni má finna í myndaseríu.

Í flota Framtak bættist nýverið við vörubíll af gerðinni Volvo með 52 tonnmetra vökvakrana. Eitt að því fyrsta sem gert var var að útbúa kranann með CJC síubúnað. Búnaður þessi samanstendur af lítilli dælu sem hringrásar olíunni í gegnum síu óháð því hvort kraninn er í notkun eða ekki. Búnaðurinn er því stöðugt að hreinsa vökvaolíuna sem bæði skilar sér í mun minna viðhaldi á krananum sjálfum og sparar olíuskipti. Þessi búnaður er ekki dýr og uppsetning hans ekki flókinn en hann getur sparað stórar upphæðir í rekstri og komið í veg fyrir vinnutap. Framtak hefur komið svona búnaði upp víða í skipum og í orkuverum og hefur hann reynst vel og skilað sér margfalt til baka í lækkuðum rekstrarkostnaði. Búnaður fyrir bíla og vinnuvélar er ný til komin og á eftir að sanna sig á þeim markaði líka.

Haustið 2011 var hafist handa við smíði tveggja nýrra gámaskipa fyrir Eimskip. Skipin eru smíðuð af Rongcheng Shenfai Shipbulding Co. Ltd. Í Kína og verða afhent skipafélaginu á vormánuðum 2013. Skipin verða knúinn áfram af Mak framdrifsbúnaði. Í hvort skip fer ein 9M 43C (9000kW / 500rpm for HFO operating, IMO 2 / Tier 2). Reintjes niðurfærslugír. Berg skrúfa og AEM ásrafal.

Mak M43 hefur fengið góðar viðtökur síðan hún var fyrst sett á markað og hefur verið góður valkostur í flokki slaglengri 6,7,8 og 9 strokka véla. Hátt í 700 vélar eru nú í notkun og er heildarafl þeirra 6500 MW. Allar útgáfur hennar hafa höfðað til markaðarins og standast þær öll mörk IMO reglugerðarinnar. Yfir 90% þeirra 700 véla sem eru í umferð brenna svartolíu. Þó M43 sé mest notuð í flutninga- þjónustu- og farþegaskip þá er hún eining í notkun í stærri fiskiskipum. Hvort sem um er að ræða staka vél eða vélasamstæður keyrðar inn á gír eða rafala hefur M43 sannað ágæti sitt.

M43 vélin var hönnuð til að mæta auknum kröfum markaðarins um aflvélar sem hafa lága eldsneytis- og smurolíueyðslu. Vél sem uppfyllir kröfur nútímans um einfaldleika og endingu og stenst nýjustu tæknikröfur. Hlutir eins og heilstæð smíði þar sem röralögnum og íhlutum er haldið á lágmarki hefur auðveldað allt viðhald og minnkað rekstrarkostnað. Þetta hefur gert M43 vélina að fýsilegum valkosti í flokki 5 - 9 MW véla.

Vélar Eimskips voru prufukeyrðar hjá Mak í Rostok í byrjun ágúst að viðstöddum fulltrúa kaupanda og seljanda.
Allar nánari upplýsingar um Mak vélar má fá hjá þjónustuaðila Mak á Íslandi Framtak Blossa.

Í gegnum árin hafa Framtak og Framtak Blossi framkvæmt fjölmargar viðgerðir með WENCON viðgerðarefnum. Hér má sjá myndir af dæluhúsi frá sjódælu í orkuveri sem húðað var með WENCON viðgerðarefni. Við þessa viðgerð var notast við WENCON coating blue and white. Nálgast má upplýsingar um þetta efni á heimasíðu WENCON http://www.wencon.com/index.php?option=com_content&task=blogcategory&id=25&Itemid=35

Nýverið lauk Framtak viðgerð á hvatakút í metanol verksmiðju CRI í Svartsengi. Kúturinn er þrýstihylki sem vinnur á 80 bara þrýstingi og ekki var möguleiki að taka hann í sundur. Þegar verksmiðjan er ekki í notkun er haft köfnunarefni inná kútnum til að hindra að súrefni komist inní hann. Botnflangsin er 1 metri í þvermál og 150mm þykkur.

Framtak og Framtak Blossi hafa húðað þó nokkuð af hlutum með það að markmiði að auka endingu þeirra. Hér er verið að húða hjól úr loftblásara í verksmiðju með 1088 efni frá WENCON.
Að lokinni meðferð er hjólið jafnvægisstillt. Þetta er tilvalin leið til að minnka slit og auka líftíma hluta.

Í meira en 10 ár hefur Framtak tekið að sér afréttingar á ýmsum vélbúnaði. Dælur, mótorar, gírar og vélar hafa verið réttar af og stilltar með leisertæki Framtaks. Nú í haust endurnýjaði Framtak þennan búnað og tók í notkun nýja gerð af afréttingarleisir frá fyrirtækinu PRUFTECHNIK.

Mads Henningsen frá Hentech var í heimsókn hjá Framtak Blossa 21 til 24 Nóvember Hentech er samstarfsaðili Framtaks Blossa í þéttum. Tilgangur Mads með komunni til landsins var að kynna nýjungar sem fyrirtækið býður upp á en þeir hófu samstarf við Pólska fyrirtækið Anga fyrir stuttu en það fyrirtæki býður upp á þétta lausnir með sérhæfingu í orkuverum og iðnaði.

Í sýningarlok! Nú þegar Sjávarútvegssýningunni 2011 er lokið, viljum við þakka öllum þeim fjölmörgu gestum sem heimsóttu sýningarbásinn okkar.

Viðgerð á skemmd í gufutúrbínu með Wencon efnum

Undafarnar vikur hefur Framtak unnið að ýmsum viðhaldsverkefnum á gufuveitu og vélbúnaði Reykjanesvirkjunar.

Önnur vélasamstæða virkjunarinnar var keyrð niður í byrjun ágúst og hefur flokkur manna undir stjórn Harðar Steingrímssonar unnið að ýmsum endurbótum. Meðal verkefna er upptekt á gufutúrbínunni sjálfri. Gert er ráð fyrir að vélin verði komin í rekstur aftur 10 september.

Hellisheiðarvirkjun vélar 5 og 6

Báðar vélasamstæður Hellisheiðarvirkjunar eru nú komnar á fullt álag.

Þrír mánuðir - Nýtt vélarúm.

Togarin Gandí leggur nú úr höfn eftir miklar endurbætur. Eftir vélatjón nú í vetur var hann dregin til Hafnarfjarðar og hafist handa við að skipta um vél.

Tvær síðustu vikur hafa farið í það að koma vélasamstæðum 5 og 6 á stall í nýju stöðvarhúsi Hellisheiðarvirkjunar. Það er mikil aðgerð að flytja og hífa þau 6 stykki sem samtaks vega um 500 tonn. Framkvæmd sem krefst mikillar útsjónarsemi og starfsmanna sem hugsa verkefnin út frá lausnum.

Hafin er vinna fyrir Mitsubishi Corporation og Balcke Durr við uppsetningu á tveimur vélasamstæðum. Um er að ræða gufuaflsvélar 5 og 6 sem settar verða upp í nýju húsnæði Orkuveitunnar við Hellisheiðarvirkjun.

Í september sóttu þrír starfsmenn námskeið hjá kranaframleiðandanum MKG Maschinen- und Kranbau í Garrel í Þýskalandi.

Aðalástæðan fyrir þátttöku í námskeiðinu var, að nokkrar beiðnir höfðu borist um úttek á svokölluðum MOB (Men Over Board) lífbátakrönum, en samkvæmt kröfum flokkunarfélaga þarf nú að skoða slíka krana á hverju ári.